کلبه ی شعر

جاوان؛قاری؛قۏجانی سئل آپاردی!

دَرَه؛تپّه؛اۇجانی سئل آپاردی !

چراغیلان داها آختارما انسان !

تاپیلماز آی فلانی؛سئل آپاردی

ظولمون کاساسی باشدان آشیب داشدی آمیزا

بونان بویانا ایشله ریمیز یاشدی آمیرزا

سن قیل ناماز ، توت اوروجو ائیله ثوابی

قوی کافر آپارسین آجی ویسکیله ، شرابی

ارباب لارا آللاه یارادیب جوجه کبابی

یوخسوللارین آرتیق یئدیگی آشدی آمیرزا

بونان بویانا ایشله ریمیز یاشدی آمیرزا

ای ماه صیامی بیزه احسان ائدن الله
خوان کرمه بنده نی مهمان ائدن الله
ای ماه مبارکده آچان سفره ی احسان
اوز دعوتین انسانلارا احسان ائدن الله

دوز باخون روبهی تحسینیله شیر ایلمیون

ارذل انسانلاری عالمده امیر ایلمیون

خواهش نفسوزه عجز ایتمیون آزاده اولون

روحوزی دام نیازوزده اسیر ایلمیون

ﻗﻠﺒﯿﻢ ﺁﻟﯿﺸﻮﺑﺪﯼ ﺑﺎﺭ ﺍﻟﻬﺎ
ﺑﯿﺮ ﻋﺪﻩ ﺟﻤﺎﻋﺘﯿﻦ ﺍﻟﯿﻨﺪﻥ
ﺩﻧﯿﺎﻧﯽ ﺩﻭﺗﻮﺑﺪﯼ ﺍﺑﺮ ﺗﯿﺮﻩ
ﭘﺴﺘﯽ ﻭ ﺭﺫﺍﻟﺘﯿﻦ ﺍﻟﯿﻨﺪﻥ

بارالها بونه دوراندی که وجدان ساتیلور
کهنه بازاریده مین یوسف کنعان ساتیلور
تیره دنیاده دوشوب خیرالعمل قیمتدن
عجبا جامعه ده دینیله ایمان ساتیلور

افتخاريم بودي تُركم ، ديليم آذر ديليدي

ديوسوز هرنه ديون ، تُركه بو ديل سئوگيليدي

دَده قورقوددي دَدَم ، سازي باسوب سينه سينه

سازينون پرده لَري ، خلقه ، ايپَك تك تِليدی

بیرعمریدی من عاشق دربار حسینم

فخریم بودی عالمده عزادار حسینم

نه جنته نه قصره نه حوره هوسیم وار

عالمده فقط عاشق رخسار حسینم

حشره کیمین اونوتماروخ، عید غدیرى یا على!

سن‏سن ازلدن آخره خلقین امیرى یا على!

مهر و وفا سپهرینه گوندو رسول مصطفا

برج ولایتین سنن بدر منیرى یا على!

گَلدی قربان بایرامی اولسون مبارک دوستلارا

قسمت ائتسون اؤز ائوین حَیِّ تَبارک دوستلارا

دوستلارین وار لطفِ بی پایانی ، آگاهم اونا

من اودور بیر اِپسیلوندا ائتمَرَم شَک دوستلارا