گون کی قالمیش بولود آلتیندا ، بولوتدان چیخاجاق
آللاهین رحمتی بیر گـــون ملکوتدان چیخاجاق
آغ یاغیشلار گولـــــــــوشنده ، نمازیم گولـله نجک
کؤنلومون آرزیسی اووجومدا قنـــــوتدان چیخاجاق
هر طرفدن گلــــــــه جک سئوگیلیمین گول نفسی
آللاهین عطری بیزیم باغچادا تــوتدان چیخاجاق
یـازگلیر بولبول – شیدا گیـــــــــنه ده دیلله نجک
ماتم آلتینداکی صاندیقچـــــا سکوتدان چیخاجاق
ربّیمین وعده سی تسخیر ائده جک یئر یوزونو
شیطان اؤز خام خیالیندان ، هپروتدان چیخاجاق
گول چمنلیکده یاشیل بایداغینی قـــــالدیراجاق
بایداغین کؤلگه سی حتماً جبروتدان چیخاجاق
وئرگینن خلقه« نیراوغلو»باهارین موشتولوغون
گونکی قالمیش بولود آلتیندا بولوتدان چیخاجاق
نیر اوغلو