سالوبدی غم قوشی قلبیمده لانه یا مهدی

سالوبدی غم قوشی قلبیمده لانه یا مهدی

گلوب اورک او سببدن فغانـه یا مهدی

نقدرغم اوخی گلسه دگوراورک باشینا

اولوبدی غم اوخینا دل نشانـه یا مهدی

تـولّـدون گونیدی دردیمی سنه دیورم

سرشکیمی غم ائدوبدور روانه یا مهدی

ظهور ائله ؛ سنی زهرا آنون چکن غملر

سنی اؤ اؤددا یـانـان آستانـه یا مهدی

دعا ائله سن اوزونده آقا؛ظهور ائده سن

گلـه عـدالـت کامـل جهانـه یا مهدی

نه چوخلی منتظرون وار سنون یئر اوستونده

آدون دوداقلاری اوسته ترانـه یا مهدی

دوشنده مشکله چوخلاری سسلیَرآدووی

دیَر سنـه سوزونی یانـه یانـه یا مهدی

نماز قیلانـدا قنوتینده چوخ مسلمان وار

فرج دعاسی اوخور ؛ عاشقانـه یا مهدی

غروب جمعه اولاندا اورک غمیله دولار

مـقـدّس آدوی ایـلـر بـهانـه یا مهدی

گوگل قوشی سنه عاشقدی کؤرپه وقتیندن

سنون اَلوندن آلوب آب ودانه یا مهدی

ائشیتموشم بو سوزی بیر یتیم اوشاقدان من

دیوردی گل توکومی ایله شانه یا مهدی

مُـقَـدَّس اَللـروی نـیَّـت نـوازشـیلن

باشیما چک که چاتام آرمانه یا مهدی

یتیمـلـرده ستـه منـتـظـردی مولا گَل

دیـولّــه دردلـرین لامـکانـه یا مهدی

فدا اولوم او گوزل آدووَه سنون آقا جان

که چوخ اورکده ائدوب آشیانه یا مهدی

او کس که آدوه عاشقدی ثروت آختارماز

تمایل ایلمز هئچ خان و مانـه یا مهدی

او آد سَبَبـدی یازا((جعفری))بـو اَشعاری

گله شکسته اورکلـن بـیـانـه یا مهدی

دئـیـه:آقـا داریخـور قلبیم اشتیاقوندَن

هاچان گَلَرسَن اُؤپَم من؛سَنون اَیاقوندن


جعفری